حوار صحفي مع المبدع: حاتم عبد الرحمن
"رغم الصعوبات أسست كيان شامل"
أنهارده معانا شخصية مؤثرة في مجالها، حققت إنجازات كبيرة تستحق الدعم عليها، شخصية تخطت الصعوبات وقدرت تواجها، وتبدأ تمشي في مشوارها صح، معانا الكاتب "حاتم عبد الرحمن"
السلام عليكم ورحمة الله وبركاته، معاكِ الصحفية"شروق عمرو" من جريدة كيلارينت حابة أعمل مع حضرتك حوار صحفي؟
فالبداية نقدر نتعرف عليك، ممكن تعرفينا عليك؟
اسمي حاتم عبد الرحمن
٢٤ سنة من محافظة القاهرة
أمتى بدأت مشوارك؟
انهي مشوار بالظبط ..؟
لو مشوار الكتابة ف انا بقاالي ١٢ سنة بكتب لو الكيان ف بقاله حوالي 6 شهور او اكتر تقريبا
تقدر تشاركنا أول اعمالك؟
انا بكتب قصص رعب وسيناريوهات بس حاليا موقف لاني مشغول بعمل الكيان
حابين نتعرف على الصعوبات الي واجهتك، وهل قدرت تِتْخطاها؟
كتير اوي
طبيعي لازم الواحد يقابل صعوبات ولكن الحمد الله قدرت اني اتخطاها بفضل الله طبعا و هو كان الداعم الاكبر ليا اني اواجه اي حاجة تقف قصادي
ازاي قدرت تتطور من نفسك اكتر؟
المواجهة .... اني اقرا واتعلم
انا شخص عملي جدا وفضولي بحب اتثقف واتعلم اوي
ف تقريبا التطور ده تلقائي سواء فكريا او عمليا
ازاي قدرت تواجه الانتقاد؟
اني اسكت....!
مكنش بدي وقت لشئ يعطلني
سواء انتقاد نافع او ضار
كنت بقول انا صح وهمشي زي ما انا بفكر
والحمد لله طبعا
هل في أشخاص دعمتك؟
ربنا طبعا ثم امي
وفريق عملي وخصوصاً نائب الكيان وقائد كياني داعم ف ان الكيان يبقا بالاسم والصورة اللي عليه حاليا
هل في أشخاص بتعتبرهم قدوة ليك؟
لا معنديش قدوة ف حياتي
انا قدوة نفسي وبصنع من نفسب قدوة للناس وده اللي مميزني
شايف نفسك تقدر تحقق أكتر من كد؟
انا كده لسه محققتش حاجة اللي جاي اكبر من تفكير اي شخص ف الوسط
ممكن تشاركنا أحد إنجازاتك؟
تأسيس كيان كيلارينت
كتابة فيلم نقوش عين ابليس
رواية الواقع الافتراضي
كتابة ٤ كتب مجمعة بأسم الكيان
وإنجازات لسه مأعلنتش عنها لسه وقتها
نقدر نسمع منك كلمة دعم للاشخاص الي في أول المشوار؟
احب اقول متيأسش وكمل ف هدفك سيبك من اي حاجة كمل بس وملكش دعوة هتوصل ولله
ممكن كلمة للجريدة؟
اتمني التوفيق ليكم بجد وشكرا علي تعبكم وشغلكم
كان معانا شخصية مؤثرة في المجال، حققت إنجازات كتيرة.
الصحفية شروق عمرو" من جريدة كيلارينت"
تعليقات
إرسال تعليق