حوار صحفي مع المبدعة: إلهام عبد التواب
السلام عليكم ورحمه الله وبركاته معاكي الصحافية 'إيمان ايمن' من جريدة كيلارينت حابه اعمل معاكي حوار صحفي
فالبداية حابين نتعرف عليكي؟ا
–انا الكتابة إلهام عبد التواب
عندك كام سنه يا إلهام ؟
–١٨
ممكن تعرفينا بدأتي مجال الكتابة ازاي وامتى؟
–انا بدأت من حوالي سنه ونص
انا اصلا بحب الكتابة من وانا صغيرة وكنت بكتب حاجات كتيرة في دفتر يومياتي لحد ما الموضوع بدأ معايا صدفة
ودخلت روم للكتابة صدفة وحبيت الموضوع اوي وقررت اني ابدأ اكتب خواطر وكدا
في البداية الموضوع ماكنش سهل زي ما توقعت كان في حاجات غلط كتيير وكمان كان في ناس كتيرة اوي بتحبطني قعدت اكتب تلات شهور لحد ما يئست من الموضوع كلو وللاسف ساعتها استستلمت بس بعدين لقيت نفسي مش عارفه اعيش من غير ما اكتب كنت كل فترة بكتب حاجه واخليها معايا لحد ما قررت اني ارجع بس المرادي مستحيل اسمح لحد انه يحبطني
ورجعت وطورت من نفسي كنت بشتغل على نفسي لليل نهار لحد ما بقيت الكتابة إلهام
كتير منا واجه صعوبات ومشاكل اي هي الصعوبات الي واجهتيها وازاي اتعاملتي معاها؟
–اكبر صعوبات كانت فقدان الشغف في وقت من الاوقات في الاول ما كنتش عارفه اكمل معاها ازي بس بعدين بإصرار على اني اكون اشهر كاتبه في مصر ان شاء الله خلاني اتغط على المشكله دي
لكل منا قدوة مين قدوتك؟
–فارس قطرية
لي فارس قطرية بلذات؟
–عشان بيعرف يطلع إحساسه للناس بيخليكي ف قصيده مبسوطه وقصيده تانية بتبكي بيعيشنا معاه بكل كلما بيقولها
مين الأشخاص الي بدعموكي؟
بيدعموني علي الكتابه وعلى الحياة بشكل عام؟
–ايوه
–انا عايزه اصدمك انا مافيش اي حد من اهلي يعرف اني بكتب اصلا
ومحدش خد بالو انك بتكتبي او شافو كتاباتك؟
–انا تعمدت اني ماعرفهمش إلا لما اكون عملت إنجاز فعلاً
هل ده بسبب عدم دعم أو انتي حابه تعمليها مفاجأة ؟
–لاء انا طبعي ما بحبش اقول علي حاجه لسه ما عملتش فيها إنجاز حقيقي بس هما بيدعموني جداً في حياتي واختياراتي
قوليلنا على إنجازاتك؟
–انا لسه ماعملتش كتبي الخاصة لسه بشارك في كتب مجمعة لسه ما جاش الوقت المناسب لدا بس انا حاليا هبدأ اكتب رواية ان شاء الله وكمان الوقت اللي سبت فيه المجال دا ضيع من وقتي كتير بس للي احسن ان شاء الله
ممكن تقولي كلمه اخيرة للجريدة ؟ – هقول ان الحياة مش سهلة زي ما كلنا كنا فاكرين ولكن الحياة تحتاج من يتعب للحصول عليها تحتاج من لا ينام من اجل حلم وانا ان شاء الله لا انام حتي احقق احلامي حلامي وشكراً
"ايمان ايمن" مؤسسين الكيان" حاتم عبدالرحمن - آريس ابوسالم"
تعليقات
إرسال تعليق