حوار صحفي مع المبدعة: مريم ربيع القالع
السلام عليكم ورحمه الله وبركاته معاكي الصحافية 'ايمان ايمن'من جريدة كيلارينت حابة اعمل معاكي حوار صحفي ؟
فالاول حابين نتعرف عليكي، عرفينا بنفسك؟
–مريـم ربيع القالع.
19 سنـة.
مُحافظة القليوبية قرية منشأة العمـار.
ممكن تعرفيني عن المجال الي انتي فيه وبدأتيه ازاي؟
–كِتابة الخواطـِر بحسها إنها مُعبرة جدًا ليّـا او لناس كتـير مبتقدرش تخرج اللي جوّاها بالكلام، فـ بدأت أسرِد المواقِف او المشاعِر علي هيئة خواطـِر و الخواطِر أغلب الناس بتعبّر عنهُم ، بـ دليل انهم ممكـِن ياخدو مُقتبس ويشيروه عندهُم ع السوشيال الميديا لمجرد انُه بيعبر عنـُهم، فـ بدأت ازاي لما بدأت معرفش اخرج اللي جوايا كلام.
اما كتابِة الشِعر ، فـ من صُغري وكنت بحِب اسمع قصايّـد وبحب الإلقاء جدًا ، فـ لقتني بكتب زيّهُم بالفطرة ولما ناس شافت كتابتي قالتلي ان دا شِعر، وأنا بحب الشـِعر جدًا جدًا يعني.
متى بدأتي بمجال الكتابه؟
–من حوالي سنتين تقريبًـا لكن وقفت فترة كبيرة لـ ظروف، ورجعت تاني.
كتير منا واجه صعوبات ومشاكل اي هي الصعوبات الي واجهتيها وازاي اتعاملتي معاها؟
–الصعوبات وهيّ أغلبها إن مفيش تشجيع، في ناس مش بتقدّر عمومـًا، ناس بتسرق المجهود، في كلام علي ان الكتابه ملهاش لازمة وهكذا ، تطبيل لناس مُعينة والأمر دا مش لطيف خالص والأصعب قلة الشغف اللي بتيجي للأغلب معظم الوقـت'
بواجهها او بحلها بإني أنا جايه أوصل رساله وأعبر عن اللي شبهي ، واللي مش عارفين يخرجوا مشاعرهم بالكلام، انا جاية اوصل رسالتي وأخد مكان في قلوبهم وأسيب أثر ومليش دعوه بأي حاجه تانيـة، كـ تشجيع مبقتش استني تشجـيع من اي حد عمومـًا، أنا بكتب بمارِس هوّيتي وأتابِع تطويري في موهبتي وكفاية، وزيّ ما ربنا كاتبلنا هنشوف(('
لكل منا قدوة مين قدوتك؟
–مقدرش أقول إني باخد حد قدوّتي بس ممكن نخليها بتستفادي من مين، او مين شايفاه يستحق ان الناس تقولـُه لاء عاش، ودا طبعـًا لأن محدش يعرف التاني في اي او بيمُرّ بأي ، فـ أنا مُمكِن أقول أُمي في مواقِف مُعينـَة ..
بينما في الشِعر او الكتابة بشكل عام، فـ لاء ناس كتير اوي اوي أنا بشوفهم يستحقوا مكانه اكبر من اللي هما فيهم ويتقال عليهم قدوّة وقلمهم كدا.
ازاي بتنمي موهبتك؟
–الخواطِـر!
بقرأ مُقتبسات او خواطِر لناس قلمها حِلو اوي ومُعبِّـر.
فـ الشِعر ، بسمع كتير لناس مُعينة، وبقرأ ومش قديم، بقرأ وبسمع للـشباب اللي طالعه.
قوليلنا على انجازاتك؟
–إنجازاتي عمومـًا إني بعدي فترات كتير مُرهقه، كـ كاتِبة، بفضل الله اشتركت في 6 كـُتب نزلوا معرض القاهره الدولي للكتاب، وأتكرمت من أكتر من دار نـشر، وأكتر من مهرجان، ونزلت بعمل فردي بفضل الله في معرض القاهره الدولي للكتاب، ومعرض اسكندرية، ومعرض ساقية الصاوي، ومعرض بور سعيد، طبعـًا وغيروا ""
وإن شاء الله نازله بعمل فردي معرض القاهره الدولي 2024.
بتفكري تتركي الكتابة ؟
–حاوِلت ،بس معرفتش'
حاوِلت عشان أسباب وحوارات مش ألطف حاجه ، لكِن معرفتش عشان مبعرفش ابطل كتابة، حتي لو بعدت فترة او اعتزلت فترة مؤقتة، مقدرشِ مـ أرجعش.
ممكن تقوليلنا كلمه اخيره للجريدة؟
–أتشرفت بيكي أكيد وفـُرصة سعيدة وبالتوفيق"
إيمان ايمن
مؤسسين الكيان "حاتم عبدالرحمن -آريس ابوسالم "
تعليقات
إرسال تعليق