حوار صحفي مع الشاعر: محمد عبدالله
حوار صحفي مع الشاعر"محمد عبدالله"
<<الشعر هو اللي بيختارنا مش احنا اللي نختاره>>
سلام عليكم
مع حضرتك الصحفية ياسمين حسن من كيان كيلارنيت يشرفني اعمل مع حضرتك حوار صحفي..
-اهلا وسهلا بيكي نورتيني
ممكن نتعرف على حضرتك؟
-معاكي محمد عبدالله
٣٢ سنه من القاهرة
ممكن تقولنا ازاى بدأت ف المجال؟
-الشعر هو اللى بيختارنا مش احنا اللى بنختاره
تقدري تقولي انه اختارني من وانا في ٥ ابتدائي
كنت بكتب خواطر بسيطه وشعر مكسر
وبعد كده الموهبة اتطورت سنه سنه
وحبيت الموضوع فركزت فيه ودرسته
وربنا وفقني فيه شويه
كل واحد مننا عنده شخص بيشجعه مين كان ليه الدور ده ف حياتك ؟
-هتصدقيني ماحدش
كل واحد فينا شخص مختلف
ليه اقتدي بحد حكايته غير حكايتي
معطياته غير معطياتى
نتايجه غير نتايجي.
ممكن تقولنا على انجازاتك؟
-انجازاتي البسيطه اللي طلعت للنور شوية اغاني على قصايد على كام حفلة
اللي ماطلعوش للنور كتير
كل شخص مننا قابلته صعوبات مختلفه ف طريق النجاح ممكن اعرف اى الصعوبات اللى قابلتك واتغلبت عليها وعديتها ازاى ؟
-الصعوبات االي لسه بتواجهني اني اوصل لمكان ابعد
محصلش أن ف يوم فقدت شغفك تجاه الشعر وقررت توقف؟
-لا صعب يحصل كده
زي ماقولتلك الشعر هو بيختارنا
زي العفريت اللي بيختار الشخص اللي هيلبسه
ليك شخص ف المجال ده حلمك انك تشتغل معاه ؟
-طبعا كتير اوي
بس على رأسهم أنغام ومنير
لو اشتغلت معاهم هقدم تاريخ
كان ليا الشرف انى اتعاملت مع حضرتك
-ان شاء الله يكون للجريدة التوفيق
المحرره :- ياسمين حسن
مؤسسى الكيان:- حاتم عبد الرحمن - آريس ابوسالم
تعليقات
إرسال تعليق