حوار صحفي مع المبدعة: اشجان سلام"""
النجاح مجرد خطوات صغيره وإنجازات ضئيله تشكل قفزه واحده للأعلي علي أول طريق التقدم٠٠
____________________________
<< اهلي كانوا رافضين خالص ده علشان احنا في قريه وممنوع دا >>
1) نتعرف بيكِ الأول؟
ج/ اشجان سلام
والاسم الحركي أو الشهره زي ما بيقولوا غزل
21 سنه
من محافظة المنوفية مركز الشهداء قريه دراجيل
2) اي موهبتك ؟
ج/ الشعر
3) احكيلنا من بدايه موهبتك اي اللي حصل لدلوقت٠
ج/انا خدت مراكز كتير في الالقاء وشهايد في الكتابات بس كل دا مكنتش بعتبره انجاز بس بعدين اتجهت للشعر وحصل كتير واهلي كانوا رافضين خالص ده علشان احنا في قريه وممنوع دا
وكان بيجيلي حفلات مكنوش بيخلوني انزلها وكان عندي اكونتات بنزل عليها والتفاعل عليها كان عالي وحلو وناس متابعين كتير٠
4) مين دعمك طول مشوارك؟
ج/اسماء والاء حسن وعزه علي ومحمد إبراهيم (حمود) وعبد الرحمن بيبرس
بس دول صحابي واكتر ناس بتدعمني بدون مقابل واكتر ناس مؤمنه بيا
5) أنجازاتك في الفتره دي٠
ج/ قدمت في مسابقه ابداع دي من ورا اهلي ولما خدتها ع المحافظه مكنش في أيديهم غير اني اروح التصفيات بس الصراحه وقفوا جنبي بعد كدا بقى ودعموني هم رافضين مبدأ لو فيه اختلاط يعني٠
6 / قوليلنا حاجه من اللي قدمتيها في مسابقه إبداع شباب٠
ج/اضرب يحلو بشوق
بحر الحنين فيا
ينشق ليك نُصين وتفوت عليه بسلام
أنا عارفه إن الفُرقه جايه بجيشها بتلاحقك
والبُعد واقف من بعيد بيحوم
عدي وطمن قلبي بس عليك وأنا اخلي هذا البُعد يتمنى
يرجع يعيش له في الحياه كام يوم
.....
القُرعه وسط البحر بتمجع
لو جات عليك ارمي الحمول لله
متخافش يوم م الموت
وانزل في قاع البحر
هتلاقي قلبي بطنه قد الحوت
وأنا اها زليخه وجيت عشان بهواك
هميت بقلبك وأنت بي هميت
ليه بس فجأة تقول معاذ الله
لا كسرت باب مـ اللي عليك اتقفل ليه بس تكسر قبلي وتعيشه
٣٠ سنة بيموتوا م المعاناه
ورميت في روحي سِكه الأشواق
وطرحت فيها من الوجع سطرين
لو قلبي رايد ليك طريق الكيد
قلبك ارد الكيد يكون... كيدين
.....
الشوق لاعتابك شاددني
سبت الفراق تبت في فستاني
دارت كعوبي ع الطريق مسافات
بسم الذي غاوي الحنين لينا
لين ياللي قلبي بيأمرك باللين
بلقيس شافتني بموت معاك في الحب
كانت هتمنع قلبها يهوى الحكيم
.....
يعني يا آدم
بعد ما مشيت فيك الروح
واتنفس قلبك اول انفاسه
وعرفت الجنه وشوفت جمالها
وفتحت عينيك ورمشت برمشك
فـ لقتني في ضلعك مخلوقه
وعنيا وعينك وقفوا زهول
علمت لساني ازاي هيقول
والشر ساعتها غاواك وغاواني
ونزلنا نعيش في الأرض عقاب
والرب قبلنا نتوب مـ الذنب
ولا مره بيقفل لينا الباب
الشر معانا ولابد فينا
وبيخلق لينا السير لجروح
وامنا بأن الشر معانا ومش بيرح
لو كان ابليس ما بيهوا نفوسنا ولا صار الذنب عقابه الطرد
ولا كات رجلينا تسير في الأرض
ولا كنا نشوف اوجاع وغياب
ولا كنا نشوف نسل الاغراب
ولا كأن في غراب يدفن جته
ويعلم بني ادم يواريه
شوفتوا الحب بيعمل ايه؟
7) تحبي تضيفي حاجه٠
ج/ لا
____________________
المؤسسين:_ حاتم عبد الرحمن
آريس أبو سالم
النائب العام:_ مريم إبراهيم
الصحفيه :_ حسناء أحمد
تعليقات
إرسال تعليق