حوار صحفي مع المبدعة: شهد وائل
السلام عليكم ورحمه الله وبركاته معاكي "إيمان إبراهيم" من جريده كيلارينت
*ممكن اعمل معاكي حوار صحفي؟
- أكيد طبعا
*ممكن تعرفيني بنفسك؟
- انا اسمي شهد وائل محمد
لقبي هو '' سنام''
بدأت كتابه من ٤ سنين تقريباً و كان دا سبب دخولي لكيانات تانيه قبل هنا كتير مكنتش شخص بيقرأ او له في القرأه اصلا
*طيب أكتشفتي موهبتك ازاي؟
- عندي إلهام في الكتابه بالتغيرات الي حوليا و خيال واسع جدا و ده كان سببه حب الإستطلاع الي عندي و مشاهدة الدرامات و الاكشن و الخيال الكتير و كنت أقراء بس لكن قليل و دا سببه امي بحب نوعيه معينه من الكتب نوعيه كدة مختلفه حاجة كدة افكار متكررتش مشفتهاش فيبدأ حماسي الفكري يشتغل و ابدأ أتخيل أنا
** ازاي دخلتي المجال؟
- .يعني في مره جالي إلهام وانا قاعده حسيت اني عايزه اكتب حاجه انا لما دخلت المجال ما كنتش عارفه يعني اي خاطره او مقال إلي الخ يعني كنت عايزه اكتب سطرين تعبير زي بتاع المدرسه وانا لحد دلوقتي مش بحب الورقة والقلم بحب أتخيل في دماغي بس فقعدت مع نفسي بدأت لا مش عايزه الكلمه دي وبقيت أدور في. قاموس اللغه العربيه علي معني أعمق لا هنغير دي بكلمه تاني أعمق أو أصح لغويا طيب نحولها للغه عربيه بدل ما هي عاميه جالي الإلهام في موقف حصل معايا لا أتذكره وقتها حسيت عايزه اكتب حاجه حاجه معبره عن مشاعري لي عايزه اكتب حاجه لما ارجع لها احس اني كتبت حاجه لطيفه وكان الهام للكتابه كمان كاب بسسب الدراما الي تابعتيها كانت الممثله الي طالعه كاتبه وكانت شخصيتها لطيفه جدا وكانت بتدور ورا حلمها أن هي تكتب وتدور على دار نشر لحد ما نشرت كتابها واتعرف ووقتها حققت حلمها والموضوع عجبني جدا ولقيت نفسي كتبت كذا خاطره
*بتحبي المغامره يعني شخص مش بيقراء يبقي كاتب حساها مغامره؟
- بصي المغامرة مش بتهواني اوي او تقدري تقولي ملقتش كتاب شدني او الي شدني و كان حلو كان مقتبس من قصه اتحرقت قبل كدة رغم كمية الخيال الي فيه و التخيلات الاروع و الصراحه هيفضل محبب برضوا بس مثلا اول كتاب خلاني أقرأ كان كتاب ارض الزيكولامكنتش من الناس الي تهفتت عليه علشان ترند وكدة لا انا علشان قرأت قبله قواعد جراتين و قلت اكيد خيال الشخص الي جاب كل ده بالروعه دي اكيد الي عمل دجة حلو فقرأته و عجبني و مازلت بتابع حاجات في هذا المسار خيال لدرجة اني مقبلتش زية قبل كدة
*يعني انتي بدائتي بأسطورة مش اى حد يحبها؟
- بصي هو مش حوار بدأت بحاجه مش كل الناس هتحبها أو أسطوره بدأت بحاجه حسه فيها إن الشخص دا مميز عن غيره أو إن أنا فعلا هقراء كتاب حلو هقراء فكره جديده حاجه هتخليني أبقي عايزه أخلص الكتاب دا أبقي مستنيه منه حاجه أو أفكر معاه الي هو قبل ما ادخل علي الجزء الي بعد كدا أنا ببداء أتخيل أي الي ممكن يحصل ولما كنت بتخيل الحاجه الي بتحصل دي بتبقي حاجه مميزه لأي قارئ
الي هو اي دا انا وصلت لتفكيرك!
*طيب كان في حد بيشجعك على القراءة؟
- لا امي عندها الهوايه بس كان بالنسبة لهاكل واحد و هوايه المفضله احسن
* أما قررتي تدخلي مجال الكتابه واجهتين صعوبات؟
- بصي الصراحه ما اقدرش اقول اه أو لا يعني الصعوبات الي واجهتها هي انتقادات مني المجال زي مثلا الكيانات يعني أنا دخلت كيانات كتر "كيان كيلارينت" من الكيانات الحلوه الي أنا دخلتها وكان في كيان لو هتسمعي عنه كان أسمه " مالا نهايه"دا كان أكتر كيان دخلته في الفتره دي كان منظم وكويس بعد كدا الكيانات الي دخلتها هى في رأيي مش كيانات هى مش مجالات كتابه اصلا يعني مكنش في اهتمام اصلا
زي ما قولت الصعوبات الي أنا واجهتها أني الاقي كيان كويس مهتم بالتصحيح مهتم أنه يعمل مسابقات مهتم أنه يحفز الأقي في تشجيع لفكره أن أنا هوصل لحاجه بعد كدا وانا عشان فكره أني شخصبيحب يتعرف على كل الي حواليه حتي لو معرفه سطحيه فأنا كان خيالاتي واسعه جدا ولما قراءت الكتاب بتاع قواعد جراتين وبعدين قرر أقراء له كتاب أرض زيكولا وبعدين بدأت أدور علي كتب تاني أقرأها له وبدأت أدور على كتاب تاني بيكتبوا في هذا المنوال بيكتبوا أساطير علي خيالات حجات تشدني بداء خيالي يوسع أكتر وأكتر أنا موقفه قراءه بقالي فتره بس دخلت كيلارينت فبدأت كتابه حسيت أني بتلافاء الموضوع ولو قولت حسيت. بفرق ين قبل القراءة وبين بعد هقول حسيت بفرق كبير أوي لما قراءت فتره من غير ما أكتب وبعدين رجعت كتبت من غير ما أقراء فكره القراءه الشويه الي أخدتهم وملخصات الكتب الي انا كنت بسمعها فرقت معايا في التفكير والخيال والكتابه أكتر
تاني أكتر حاجه واجهتها في مجال الكتابه لما دخلته ودا رأيي الشخصي أتمني ما يزعلش حد هو الاطفال الي في المجال يعني بتكلم على ناس هما موجودين دلوقتي حتي في كيان كيلارينت عندهم ١٥و١٦ سنه حقيقي مش بحب كتاباتهم يعني هتقوليلي دا رأيك وهما من حقهم يكتبوا أكيد بس محتاجين يفهموا قبل ما يكتبوا دي حاجه من الحاجات الي شيفاها صعوبه في مجال الكتابه يعني بنات بتكتب خواطر هي مش خواطر هي حقيقي حجات مكرره جدا مكرره لدرجة أني لما أجي أقراء أحس أني مش عايزه أقرأها لكن في ناس مميزه وبتكتب حجات لطيفه جدا بس دول حساهم بيبقوا عايزين أهتمام أكتر لأن هما لازم يفهموا أم هما لازم يكتبوا من دماغهم حاجه مختلفه طبيعي هتتصادف يعني اللغه العربيه هي لغه عربيه فهتتصادف أن هي حست الجمله دي هى عايزه تكتبها كدا وان في كذا حد كتبها بس سعات بحس أن في ناس واخده كوبي من خواطر لناس تانيه انتوا كدا مش بتبدعو
* طيب لي وقفتي قراءه؟
- انا سبب توقيفي للقراءه السبب الأول والأخير ما لقيتش حاجه تشدني وأنا مش الناس السطحيه الي بتاخد بشكل الكتاب من برا أو بالملخص الي مكتوب على الغلاف انا بحب أفتح الكتاب بطريقه عشوائيه على كذا صفحه عشان اشوف هل الكتاب في حاجه هتشدني والا لا وما بخدش بالريفيوا أوي يعني زي ما قولت ارض زيكولا الي ما عجبنيش قد كدا مع أن طلعوا بي السماء أنا شايفه أن قواعد جراتين احلا بكتير هو تطور في اوي حساه أن كان في تطور كبير أوي بين الاتنين فامش باخد بالريفيوا بتاع الناس ودي بردو صعوبه من الحجات الي تواجهها في القراءه ومعرفتي بالكتاب قليله شويه ما أعرفش كتاب كتير أو كبار فأحب أقراء لهم وبحب كتب علم النفس شويه يعني فتره تلاقيني مندمجه مع القراءه وفتره مندمجه مع الدرامات والتلفزيون واكتر حاجه بحبها الاساطير والدراما وبحب الحجات الي فيها تشويق ومغامره فهتلاقي عالم المشاهدات عندي أكتر من عالم القراءه
*تمام بس أكيد كلنا في الأول بنبقي مش بروفيشنال ولكن بتطور مع الوقت
-دي حقيقه دا الي انا بقوله إن إحنا في الاول مش بنبقي بروفيشنال مافيش حد اصلا بيبقي بروفيشنال في اول خطوه بس بلاقيهم بيطلعوا يلاقي ناس مسكين ليدر تيم أو مسئولين عن حاجه في التيم بلاقيهم طالبين مننا ارتجال ما نرتجلش عليها يعني أنا وقتها اعترضت قولت لا وسألوني فين الارتجال بتاعك قولتلهم لا انا مش هرتجل دي مش صوره نرتجل عليها ناقص تجبولي صوره سندريلا ارتجل عليها وقولتلها أنا لو لقيت حاجه زي كدا انا مش هرتجل عليها انا محتاجه اهتمام اكتر من كدا محتاجه حاجه تطلع الابداع الي جوايا مش صوره من ديزني ارتجل عليها يعني اكتر حاجه بتدايقني أن في ناس صغار سن وقليل خبرا بيمسكوا مناسب لمجرد أن هما بيتحملوا مسئوليه
انا بحب اكتب خواطر وزي ما قولتلك عندي إلهام من تغيرات الحياة الي حواليا ومش بكتب دائما لاني مش بحب اكتب الخاطره بتاعتي مشابها لحد هتوليلي مهما حاولتي هتلاقي في تشابهه هقولك اللغه العربيه كلماتها كتير اه لكن مهما طالت لها إطار محدود بس مع ذلك لا خاطرتي لازم تطلع مختلفه لازملما حد يجي يقراءها يحس اه مشابها لحاجه قرأتها بس دي مختلفه مواصله احساس اكتر مركزه في نقطه اكتر فأنا حد دلوقتي بكتب خواطر هتقوليلي يا شهد الموضوع تطور معاكي لدرجه انك عايزه تعملي حاجه اكتر من كدا هقولك اه و انا عايزه اكتب كتاب في خيالي بس مش عايزه اخد الخطوه غير لما اكون مخلصه تدريبي وكل حاجه والنحو بتاعي ما فيهوش أخطاء كتير بسبب الحياة العاميه الي احنا عايشنها
* ممكن حاجه من إبداعك
-هَواجسُ العقلِ لا تَكُفُ عنّ الإنتشَار، لقد خَرتْ قوي جَسدِي إلي أنْ أصبَح جُثّةٌ خَامِده، إستسلَمت في معْرَكَة لم تكُن تعرفُ عنهَا شئ حتي لحظتِهَا تِلك، معْرَكَة المُنْتصِر الأولُ و الأخيرُ الأبدِي بِها هو ذَلِك اللعينُ البَاطِن، هَرْطَقَاتٌ واحِدةٌ تِلوَ الأُخرى إلي أنْ أصبَح سجنًا مِن الهَواجِس و الخُوف المُمتَزِج بلامُبَلاةْ، أو ما يُسمي بلإستِسلَام، خيَالاتُ ذَلِك العقلْ جعَلَ مِن رأسِي قبوًا مزدحمًا كَازْدِحامِ الأناضول بساكنِها المُرعِبَه، كَليالِي شبَاطْ فارغةُ الممرات، مليئةٌ بِالخيالات، أما مرةٌ و مرة تجعْلُ منِي ذَلِك الحَالِمِ الولهَان، الذي يرى العَالم مِن نَّافِذَة مُطلة علي جنّةٍ زاهية.
*تِلك هي هواجس العقل إلا أنْ ترْتَقِي بِك إلي العلَالِي، أو تترُككَ كجُثّةٍ خَامِدة في معركةٍ أبَديَّة*
*شهد وائل محمد*
*تيم أبيل*
الحزنُ يعْصرُ القلبُ و الإحتياجُ ذَليل، و إنْ كَان القَدرُ هو سببُ إتعاسِكَ؛ فَسَتَري أنْه في ذاتِ يومٍ يُربَّت علي كَتِفيك، و يأخذُ بيدَيْك، ليُحي لكَ ما قَام بِتحطيمهُ مِن قبْل، فَيتعجبُ الذُلُ مُسْتفهمًا كيف لِهذا الضَعِيفِ أنْ يظهَرِ مُترَونقًا، فَايتعَالي شأنَك في العَنانِ مُلعْلِعًا كم مِن صَغيرٍ عنْ كبيرٍ يَنعمِ، حتى و إنْ كَانتُ الحياةُ هادئه لا يُشفَي غْلُ المَذَّلولِ إلا ذٌلُّ الذَّليل المرارةِ مُذَّلالًا، فايشعُرُ بِلذّة الإنتصارِ بِأبتسامةٍ مُعلَنة.
*شهد وائل محمد*
*سنام*
*تيم أبيل*
*حابه تعملي كتابك عن قريب؟
- من الناحيه دي صعب انا لسه في مرحله تكوين الشخصيات وإختيار أسمائهم عشان يبقي متفق مع الفكره الي هكتبها وزي ما قولتلك اول عمل طبعا مش هيبقي بروفيشنال بس كل حاجه بالنسبالي انا في حياتي الشخصية اول حاجه دائما بتبقي مميزه في حياتي فحبا أخليه ياخد وقته عشان الأفكار تطلع فيه بشكل سليم تبقي أفكاري زي ما قولتلك ما تبقاش مكرره الي حد ما وهو لسه في مرحله التجهيز للبناء
* انشاء الله توصلي للي بتتمنيه
- بإذن الله
محرره/ إيمان إبراهيم
مؤسسين الكيان/ حاتم عبد الرحمن - آريس أبو سالم
تعليقات
إرسال تعليق