حوار صحفي مع المبدع: مروان مصطفى
حوارنا اليوم مع :- الكاتب والشاعر« مروان مصطفي»
-السلام عليكم ورحمة الله وبركاته مع حضرتك سنيه منصور محررة صحفية من جريدة كيلارينت كنت حبة أعمل معاك حوار صحفي.
=وعليكم السلام ورحمة الله وبركاته، اكيد طبعا يشرفني اتفضلي حضرتك.
-في البداية ممكن تعرفنا بنفسك وِ إي هي موهبة حضرتك.؟
=اسمي مروان محمد عبدالناصر بس لقب الإسم مروان مصطفى عبدالحكيم موهبتي كااتب وشااعر.
-ممكن تحكي لينا عن نفسك شوية وتعرفنا بنفسك أكتر؟
=كنت دايماً بكتب شعر وبكتب خواطر وصدفة لقيت جروب مع جهاد محمود مؤاسسة دار قيس سعدتني وخلتني اكمل الكتاب والحمدلله عملت أول كتاب ليا يوم 20/10،وطبعا إتعرفت علي أماني الشرقاوي وقفت جمبي وإن شاء الله نعمل كتاب مع بعض وحابب أشكرها، وإن شاء الله هفضل ورا حلمي.
-وبعد ما تعرفنا على الكاتب والشاعر مروان مصطفى نبدأ حوارنا معه وما نبدأ به:-
«١-» عايزين نعرف الكتابة بالنسبة لحضرتك إيه؟
=بصراحة انا كل وقتي مضيعه ف الكتابة بجد في حاجات كتيرة معنديش وقت أعملها، والسبب إني هموت وأوصل وأحقق حلمي بمعنى أصح عاشق الكتابه ومعنديش موهبة غيرها هي والشِعر.
«٢-» بدأت كتابة من إمتا؟
=يعني أنا بقالي حوالي خمس شهور تقريباً بس بدأت ف الكتاب اللي هو أول كتاب ليا كان من تلت شهور.
«٣-» هل فيه إنجازات تانيه عملتها في المجال دا؟
=في ناس محتاجاني أطلع معاها فقرات وده طبعاً نجاح كبير بنسبالي بس لسه بجهز للفقرة الي هتتقال.
«٤-» ممكن تكلمنا عن الكتاب اللي حضرتك عملته؟
=ده بقا اللي خلاني أحس ب إني بدأت أحقق حلمي وطبعاً كنت فرحان أوي أول لما إستلمت الكتاب وده شجعني علي إني أكمل ف الطريق للآخر، إسم الكتاب حكاية كل قلب بصراحه أنا وصفت كل اللي جوايا فيه وكان الكتاب بيتكلم عن الفراق وطبعا الفراق ده سايب ف كل قلب علامة وعشان كده إخترنا الإسم ده للكتاب وطبعاً أنا حبيت الكتاب عشان وصفت فيه كل اللي جوايا وأبدعت فيه وعرفت إني فعلا عندي موهبة.
«٥-» إي هو الدافع اللي خلاك تعمل كتاب وتكمل في مجال الكتابة عموماً؟
=كنت دايماً بوصف كل اللي جوايا ف الخواطر وده كان طرف أساسي علي إني أكمل.
«٦-» يا ترى في صعوبات واجهة حضرتك في المجال دا ولو فيه ممكن تعرفنا إي هي؟
=بصراحة اللغة العربية هي اللي كانت المشكلة الكبيرة اللي قابلتني ولكن طبعاً في مشاكل تانية زي مثلاً إن في ناس كتير كانوا بيحبطوني ومش عاوزين إني أكمل بس الحمدلله أنا أقوى من كل ده.
«٧-» إزاي قدرت تتخطى كل الصعوبات دي؟
=زي ما كان في ناس وحشة أكيد كان في ناس تانية بتحب الخير ليا وأنا أكيد عشان حابب أكمل في الطريق للآخر أكيد مش شغلني أي حد مش عاوزني أوصل.
«٨-» مين اللي كان بيدعمك من البداية بـ إنك تدخل في المجال دا وتكمل فيه؟
=لما كتبت شعر وخواطر أكتر من مرة وكنت حابب الموضوع طبعاً أبويا ووالدتي وقفوا جمبي وخلوني أكمل لإنهم شفوني بكون كويس لما بـ أعبر عن مشاعري وعن إحساسي ف الكتابة حبوا الموضوع هما كمان وطبعاً بنت عمي ف البداية قالتلي كمل وإحنا جمبك وسعدتني علي إني أكمل.
«٩-» بتفكر تعمل حاجه في المستقبل غير الكتابة ولا لأ؟
=كل طموحي أبقى كاتب وشاعر بس ونفسي أوصل لحلمي وعشمي ف ربنا كبير إن شاء الله.
«١٠-» ممكن تفكر تعتزل الكتابة والشعر في يوم من الأيام؟
=أكيد لا أنا كل طموحي أوصل لحلمي وطبعاً إن شاء الله أكمل لآخر الطريق ف أكيد عمري ما هعتزل طبعاً.
«وهكذا قد انتهي حوارنا اليوم نلقاكم في حوار جديد بإذن الله.»
بقلم:- سنية منصور«الجوكر»
مؤسسي الكيان:-حاتم عبدالرحمن-آريس ابوسالم
النائب العام:- مريم إبراهيم
تعليقات
إرسال تعليق