حوار صحفي مع المبدع: أحمد سالم محمد

كما عودناكم دائما في كيان كيلارينت ان يكون حوارنا دائما مع أشخاص ذات تأثير مبدعين 
حوارنا اليوم مع :- الكاتب « أحمد سالم محمد» 

السلام عليكم ورحمة الله وبركاته مع حضرتك سنيه منصور محررة صحفية من جريدة كيلارينت كنت حبة أعمل معاك حوار صحفي.
=وعليكم السلام ورحمه الله وبركاته تفضلي يا فندم بكل سرور

-في البداية ممكن تعرفنا بنفسك وِ إي هي موهبة حضرتك.؟
=أحمد سالم محمد 27سنه من الأقصر موهبتي كاتب وأملك موهبة الإلقاء

-ممكن تحكي لينا عن نفسك شوية وتعرفنا بنفسك أكتر؟
=والله ف الحقيقة كده أنا الكاتب اللي الظروف صنعته وبفضل ربنا أولاً بس الضربات اللي متقتلش تقوي. 

وبعد ما تعرفنا على الكاتب «احمد سالم محمد» نبدأ حوارنا معه وما نبدأ به:-

١- عايزين نعرف الكتابة بالنسبة لحضرتك إيه؟
=الكتابة بنسبالي كل حاجة جميلة بعبر عن شعوري وأصور بيها اجمل المواقف لذكرى اي كاتب احساسه عالي ويدون كل التفصيل والروايات ف غلاف جميل يشبه بوكيه الورد لتنال إعجاب القاريء. 

٢- بدأت كتابة من إمتا؟
=من تالتة ثانوي كنت بكتب بس مش مهتم بأنها موهبة ومعرفش يعني اي خاطرة وضوابطها كإنها فضفضة بنسبالي. 

٣- ممكن تكلمنا عن الكتاب اللي عملته؟
=اشتركت في كتاب مجمع اسمه إعترافات القلوب بالرغم من اني كنت آخر مشترك إلا أن المشرفة جعلت خواطري ف مقدمة الكتاب عشان إحساسهم عالي ونالوا أعجابها وليقين ع الاسم كانت أول خطوة وأول فرحة. 

٤- هل فيه إنجازات تانيه عملتها في المجال دا؟
=إني حضرت حفلة لتوثيق دار قيس وكسرت الرهبة وطلعت ع المسرح بموهبة إلقاء شعر ومكمل إن شاء الله. 

٥- إي هو الدافع اللي خلاك تعمل كتاب وتكمل في مجال الكتابة عموماً؟
=بصراحه إني أبقى معروف وأثبت حضور وإني أسيب ذكرى طيبة أو رسالة ينتفع بيها الناس وتبقى ف ميزان حسناتي. 

٦-يا ترى في صعوبات واجهة حضرتك في المجال دا ولو فيه ممكن تعرفنا إي هي؟
=زي الاشخاص السلبين أوقات الفراغ بتجبرني إني مكتبش ولا أحضر حفلات. 

٧- إزاي قدرت تتخطى كل الصعوبات دي؟
=بالامبلاة وحبي للكتابة أقوى. 

٨- مين اللي كان بيدعمك من البداية بـ إنك تدخل في المجال دا وتكمل فيه؟
=صديق عزيز

٩- مين قدوتك في المجال دا؟
=ساندي ناصر، و سنيه منصور« الجوكر» 

١٠- ممكن نشوف حاجة من إبداعاتك؟
=«مدينة الهدوء واللامبالاة»

كاتب يقيم في مدينة بعيدة عن الازدحام السُكِّاني، خالية مِن الضجيج، هدوء كهدوء أخر الليل، وبعد رحيل الظلام بدقائق؛ قلمي وجد المناخ المعتدل؛ ليُعبِّر ويتنقل بين أغصان اللغة، ويُحلِّق عاليًا في الأجواء؛ ليرسم الإبداع، ويُدوِّن رسالةّ مُنسَّقة، ذات تعبير راقٍ، وأحرف مِن ذهب؛ ليخطف قلب القارئ، ويلمس قلبه، والأهم مِن هدوء البيئة المحيطة هو: هدوئك مِن الداخل، لا تحمل حقدًا، ولا تهتم بما يُقال، ثقتك بنفسك تُغنيك وتكفيك، وإيمانك بنفسك أول طرق النجاح، وصفاء قلبك للبشر دليلًا على عقل ناضج، وفهْم رزقك الله به، فيُحبك الناس، وتسمع ما يسرك، وترضي نفسك، وتزداد جمالًا فوق جمالك. 

گ/ يدعى أحمد " تارگ أثر"

١١- بتفكر تعمل حاجه في المستقبل غير الكتابة ولا لأ؟
=والله كل تركيزي علي عمل فردي أعتقد ممكن يكون فيه. 

١٢- ممكن تفكر تعتزل الكتابة والألقاء في يوم من الأيام؟
=معتقدش لأني متعلق بيهم وكانه حب متبادل. 

١٣- ممكن تقولنا إي هي معاير الكاتب الناجح من وجهة نظرك؟
=الإستمرارية الكتاب الفردي بس قبله يكون معروف إن يتعلم ضوابط اللغة الكتابة الصحيحة والدعم من محبيه. 

١٤- هل من الممكن إضافة كلمة تشجيعية للي لسه داخلين المجال دا؟
=إستمر مسألة وقت عشان تتعرف ويبقا ليك جمهور أستمر يكفيك ذكرى طيبة وإحترام الناس ليك. 

وهكذا قد انتهي حوارنا اليوم مع الكاتب «احمد سالم محمد » نلقاكم في حوار جديد.

بقلم:- سنية منصور«الجوكر» 
مؤسسي الكيان:-حاتم عبدالرحمن-آريس ابوسالم 
النائب العام:- مريم إبراهيم