حوار صحفي مع المبدعة: منه خالد
حوارنا اليوم مع :-الكاتبة والشاعرة «منه خالد»
-السلام عليكم ورحمة الله وبركاته مع حضرتك سنيه منصور محررة صحفية من جريدة كيلارينت كنت حبة أعمل معاكِ حوار صحفي.
=طبعا دا شرف ليا، إتفضلي
-في البداية ممكن تعرفينا بنفسك وِ إي هي موهبة حضرتك.؟
=اسمي منه خالد من شبرا الخيمة.
كاتبة، وشاعرة.
-ممكن تحكي لينا عن نفسك شوية وتعرفينا بنفسك أكتر؟
=انا منه ذو ال 19 عام بدأت كتابة فى مركز ثقافه بهتيم و إنتقلت إلى دار الأوبرا وتوقفت عن الكتابة فتره طويلة و رجعت ثاني بمشركه في كتاب عيون صامتة و مشاركة فى حفل دار قيس كـ تكريم موهبة.
-وبعد ما تعرفنا على الكاتبة منه خالد نبدأ حوارنا معها وما نبدأ به:-
١- عايزين نعرف الكتابة بالنسبة لحضرتك إيه؟
=تعبير عني و عن كل من حولي وعن الجانب السيء والمُضيء فى صورة جماليه تعبر عن ما فى داخلي.
٢- بدأتِ كتابة من إمتا؟
=من سن 13 سنه و توقفت و رجعت فى سن19سنة رجعة بقالي اربع شهور.
٣- ممكن تكلمينا عن الكتاب اللي حضرتك عملتيه؟
=كتاب عيون صامتة كان أول كتاب ليا حبيت أكتب عن مواضيع متنوعة عن الحب. و عن نظرة الناس للإنسان من وجهة نظرهم، وعن وجع الفراق.
٤- هل فيه إنجازات تانيه عملتيها في المجال دا؟أو في أي حاجة تانية غير المجال؟
=لا لسه بس أكيد هيكون فيه مستقبلاً.
٥- إي هو الدافع اللي خلاكي تشاركي وتعملي كُتب وتكملي في مجال الكتابة عموماً؟
=إن دى أكتر وسيلة بطلع فيها اللي جويا كلوا بـ مخوافي وتجاربي الحياتية وإن الكتابة الحاجة الوحيدة اللى بحبها وبتفرحني جداً لإنى بحب القراءة.
٦-يا ترى في صعوبات واجهة حضرتك في المجال دا ولو فيه ممكن تعرفينا إي هي؟
=لا الحمدلله لحد دلوقتي مفيش أى صعوبات غير إتقان اللغة العربية و بحاول اتعلمها.
٧- مين اللي كان بيدعمك من البداية بـ إنك تدخل في المجال دا وتكمل فيه؟
=ولدتى الصراحه كانت من أكتر الداعمين ليا وأصدقاء الطفولة.
٨- مين قدوتك في المجال دا؟
=قدوتى الصراحه حد بعيد عني أوى بس حلمي أبقا زيه فى يوم من الأيام الشاعر هشام الجخ.
٩- بتفكري تعملي حاجة في المستقبل غير الكتابة والشعر ولا لأ؟
=أكيد وهي دار نشر لدعم الموهبين، لتوصيلهم وتحقيق ولو جزء صغير من احلامهم.
١٠- ممكن تفكري تعتزلي الكتابة والشعر في يوم من الأيام؟
=لأ أكيد لإن الكتابة و الشعر بقوا جزء مني و شخصيتي مقدرش أستغنا عنهم.
وهكذا قد انتهي حوارنا اليوم نلقاكم في حوار جديد.
بقلم:- سنية منصور«الجوكر»
مؤسسي الكيان:-حاتم عبدالرحمن-آريس أبوسالم
النائب العام:- مريم إبراهيم
تعليقات
إرسال تعليق