حوار صحفي مع الكاتبة نور عسكر
س: ممكن أتشرف بمعرفة إسم حضرتك؟
ج: نور عسكر.
س: في مسيرة كتابتك أكيد مريتي بعقبات، فا أي أكتر عقبة وجهتك؟
ج: إختفاء شغفي في أوقات غير صالحة بالمرة، واحيانًا الكلام السلبي اللي كل محاولته إيقاف نجاحي فقط.
س: ممكن نعرف بعض من اعمالك؟
ج: هو حاليًا كتاب واحد مجمع ولكن مختلف بفكرته وكله تقريبًا إسمه "ما وراء الأبواب" والقصة اللي مشاركة بيها اسمها "ما بين الطُرق".
س: أكتر نص أو خاطرة مِن كتابتك الخاصة أقرب لقلبك؟
ج: سيأتي ذاك اليوم المنير، وترفعين رايتك بتهليل، ستسعدين وتنالين الرفعة أمام الجميع، ستملكين الحرية، وتبًا للإحتلال الحقير، ستحيي الأيام حرة، وتنالين من بعد صبرك العظيم نيلًا مبين، ستخرجين صارخة من الأفراح غامرة، ولستِ بالأحزان عامرة، ستأتي تركضين بين البلاد ترفرين علمكِ بغناءٍ وبناء، ستنالين يومًا ذاك الشعور، وتطير أطفالك دون ديجور، ستحيي بأمان وبالأخص ستحيي بحرية واطمئنان، سيرفرف ذاك العلم كطيرًا وجد عشه بعد سنواتٍ من الضياع، هكذا أنتِ ستجدين نفسكِ، وتحيي تلك الليالي بهناء، ووداعًا لعنائك الذي استمر العديد من السنوات.
-كلهم قريبين من قلبي جدًا حقيقي بس بحس اللي بكتبه عن فلسطين شيء مميز وأقرب لقلبي جدًا.
س: أي النصيحة الي بتوجهيها لكل كاتب في بداية مسيرته؟
ج: يشتغل على نفسه كتير وميسمعش الكلام اللي يحبط بس أكيد في جانب كويس هتبصله فهو ده بقى أتمسك بيه جدًا ولو هتسأل حد عن كتاباتك أسال حد يكون فاهم وميكونش في اتجاهك أي حقد من نجاحك، حد يكون عاوزك تطور فعلًا.
س: الدعم ليه تأثير على الروح فممكن تقوللنا مين دعمك في مسيرتك الفنية؟ ازاي بوجهة نظرك وتجربتك إن الشخص يقدر يدي لنفسو الدعم؟
ج: في بداية كتابتي مكنش في حد غير شخص بس حقيقي أكتر حد دعمني ووثق فيا وكان شيء أساسي في إني أكمل ولما بدأت أبان بإني فعلًا موهوبة أشخاص كتير دعموني زي ماما شجعتني جدًا بجد وكانت بتبقى متحمسة أكتر مني لأي إنجاز أحققه وبابا وأختي وبعض من أصدقائي مش كلهم، الكاتب من وجهة نظري بيكون محتاج دعم من غيره أكتر ما بيحتاج دعم من نفسه لأن ده بيدفعنا للتقدم أكتر وأننا بنكمل لأن في ناس حابة ده، أنا ممكن أدي الدعم لنفسي بإني أبص للجزء الكويس اللي حصل فحياتي وفي مسيرتي دايمًا تقريبًا كده بس.
س: أي الأخطاء الي بتشوفيها منتشرة وسط الكُتاب في الوقت الحاضر؟
ج: اللغة العامية بجد، وأن دلوقت أي حد حرفيًا بيكتب كلمتين باللغة العامية يُسمى كاتب، وأنا مش شايفة ده صح بجد لأن الكاتب مش مجرد لقب لحد كتب كلمتين، بل الكاتب ده مُسمى بجد صعب الوصول إليه، فده أكتر شيء منتشر ومش عاجبني بجد لأن مش كل حد ينفع يكون كاتب حقيقي.
س: المؤثرين في حيتنا بيكونو عامل جميل، فهل في كاتب أو شخص مِن عالم الفن ترك بصمتة جواكِ؟
ج: أكتر حد تقريبًا سايب جوايا بصمته محمود درويش حقيقي من أقرب الفنانين لقلبي.
س: لكل رحلة بداية وأكيد رحلتك في عالم الكتابة كان لسبب!، فما هو السبب لكتابتك والسعي في الكتابة؟
ج: وجود الروح وطنها بين أحرف تُكتب، وتشعر بفؤادي، وتُحسن من نفسيتي، وجدت إنسان أجد معه روحي، أأرفض ما كنت قد يئست وجوده!!
س: تجولك بين القراء ورؤيتهم لاعمالك بتترك اثر فا اي هو الأثر الي عيذا تسبي بداخل كل قارئ؟
ج: أثر حب لكتاباتي وكوني كاتبة، أثر يدوم حتى لبعد موتي.
الصحفية: نورا حسن.
تعليقات
إرسال تعليق