مقال بعنوان " الsهيونيه المسيحيه الجزء 2"

الصهينوينة المسيحية الجزء الثاني.. 

من المعروف إن أكبر داعم لإسرائيل في بدايتها كان الغرب خاصة بالتحديد بريطانيا، وده اللي ظهر بشكل أكبر مع قرب انتهاء الحرب العالمية الأولى 1917 وظهور الوعد الاشهر في الوقت ده وعد بلفور بأن حكومة جلالة الملك هتنظر في إقامة وطن قومي لليهود في فلسطين 🇵🇸، واعقب التصريح ده نزوح وهجرات الكتير من يهود الغرب الى فلسطين، وعلشان تقدر بريطانيا تكمل سيطرتها ووعدها كان لازم وجود حاكم يهودي قارئ جيد للوضع يقدر ينفذ الخطط الصهيونية البريطانية، وهنا اتعين السير هربرت صامويل الحنرال البريطاني اليهودي، ومعاه بدأت الاضطهاد الممنهج ضد الفلسطينيين وبداية شرا الارض بالعافية والسلاح وتكوين وجود لليهود هناك. 

لكن هل كان اول دعم بريطانيا لليهود؟ وليه بريطانيا دعمت الصهيونية بالشكل اللا محدود ده 

معروف للكل إن المذهب الغالب لأوروبا الغربية في العصور الوسطى كان المذهب الكاثوليكي وعلى كدة كانت بريطانيا بتدين بالتبعية هي كمان بالمذهب الكاثوليكي حلو.. حلو 

تمر الايام وييجي عمنا هنري ال8 ملك بريطانيا وطلبت معاه إن يتجوز تاني وده كان بيتعارض مع المذهب الكاثوليكي اللي فيه بيحق للمسيحي الجواز مرة واحدة بس تمام تمام. 

هنا الذبون هنري الثامن ده حب يطوع الدين لاهدافه فراح للبابا وقاله انه يقول إن جوازه الاول من بنت ملك اسبانيا باطل وده اللي طبعاً رفضه البابا. 

وفي نفس الوقت كان مارتن لوثر كان ظهر بحركته للنور ومعاه المذهب البروتستانتي وفي نفس الوقت كان الملك هنري ال8 هاجمه واتهمه بالألحاد والتهم دي وده كان في كتاب سماه  «قضية المقدسات السبعة ضد مارتن لوثر». 

لكن مع رغبة هنري في الجواز للمرة التانية جري بسرعة واعتنق المذهب البروتستانتي واتجوز. وخلف من عشيقاته دول سواء كاثوليك او بروتستانت وانتهى الامر انه لو خلف من كاثوليكية يضطهد البروتستانتي والعكس لحد ما كان الاضطهاد ضد اتباع لوثر وصل انه يطلع الموتى من القبور يحطهم على الخازوق اه والله ده اللي حصل، وبالتعبية ظهرت طايفة جديدة للبروتستانت  متشددة اسمها البيوريتانز. وانشقت عن كنيسة انجلترا الانجليكانية. وبناء عليه كانت الهجرة لهولندا ومنها لامريكا. 

 في سنة 1649 كانت بتحكم بريطانيا عيلة ال كارتريت من طايفة البيوريتانز طلبت من حكومة انجلترا ان تكون هولندا 🇳🇱 وبريطانيا اول الدول الداعمة لرجوع بني صهيون لوطنهم وده بعد المشروع اللي دعا ليه السير هنري فيش باعادة اليهود لوطنهم تاني واللي تبعه قرار حكومي بان اي وزير لازم يكوم قادر على قراءة العهد القديم باللغة العبرية واليونانية. 

 

أحمد سعيد كامل