بلاش ننسي الماضي، بلاش جرحك يبقي على الفاضي
*(بلاش ننسى الماضي، بلاش جرحك يبقى على الفاضي)*
كتبت ليك جوابات خدوا سنين من عمري
مهمنيش العمر اللي بيجري وبحسه ثواني بتعدي
شُفت في أوضتي مليون جواب ده غير اللي وصلك ومعاه عمري
كتبت ليك إني مشتاقة وفي انتظار مكالمة ليك تقولي فيها فين نتلاقى
كتبت ليك إني حزينة وفي بعادك ببقي كئيبة، وبشوف صورتك أبتسم وأسرح في أيام لسة بتترسم في خيالي يا غالي
في النحو فعل ماضي لكن حبك مراحش على الفاضي، جيت في وقت القلب فيه مكسور طب إزاي تمشي وتسيب بيت السكون؟!
حبك كان ليا طُعم في صنارة أكلته وأنا مطمنه، شدتني وادتني للوحوش وسبتني بتاكل ونسيت قلب كان شاريك، سببتله وجع يكفيه سنين ولحد الموت يفضل مش ناسيه ولا لحظة فداك
محتاجة لكلمة منك تطفي النار اللي قادت بلاك، باخد جواباتي وأبات أشوف كلام كان نفسي تسمعه حبيبي ولآخر مرة بدونك أكمل الأيام،
مبتمشيش ولا عارفة أعيش بلاك، ناسية أنا قبلك كنت بعيش إزاي، بتهان لوحدي من الأيام واليوم مش عايز يخلص وبينتهي بالآلام
سلام!
أيوة سلام هسيب قلبي فاضي، من غير ما حد يداويه ما هو كان حب على الفاضي، استنيت كتير ومش قادرة أنطق كلمة كان من الماضي، مقدرش أنساك ولا أضيع سنين من عمري على الفاضي، محتاجة كلمة حق من غير ما يحضر قاضي.
أنت نسيت أنا مين ولا بتكدب وتكابر وده كلام على الفاضي؟
حبيبي قولي أنت مين وإيه غير جواك وحبك يا أحلى ماضي؟
ندمانة ندم سنين إني قبلت بحب واحد غبي وبيضيع معايا وقت بس على الفاضي.
الشاعرة/ملاك ابنة فهمي "نارفيـن. "
تعليقات
إرسال تعليق